Ekintza hezigarriak egon badaudelako

Futbola baino ekintza hezigarriagoak badaudenez, zenbait jarduerez beteriko proiektu bat plazaratu da:

150 colegios reorganizarán el patio para evitar que los chicos y el fútbol se adueñen del recreo

Hegoalde ikastola; guztiontzako jolastokia

Noticias de Navarra egunkarian argitaratutako berri batean Iruñeko Hegoalde ikastolak bertako jolastokian egindako aldaketak publikatu ditu. Era honetan, hezteko gune egoki bat sortzea lortu dute guztiontzako jolastokia eraikiz.

Ikerketa: Allende Salazar

Zenbait egun atzera aipatutako ikerketa horren lehenengo emaitza ikus daiteke mapa kontzeptual honetan.
Bertan, orain arte bitakora honetan azaldutako puntu guztiak aipatzen dira. Hau edukita, Allende Salazar zentroari dagozkion ondorioak ateratzea baino ez da geratzen.

Jolastokitik Haitira

Nafarroako Burlata herriko eskolan jolastorduetan aurrera eramandako ekintzaz jabetu eta gero, jolastordua gune hezigarria dela argi geratzen da.
Gainera, heziketa hau era ezberdin askotan gauzatu daiteke eta testuinguru ugaritara bideratutakoa izan daiteke.
Zentro honetan, ikasleek beraien baloreak lantzeko, artean laguntasuna, jolastordua erabili dute. Haitin gertatutako lurrikara izan da izpide eta honek sortutako kalteak konpontzen laguntzeko dirua batzen aritu dira baina, ez edozein modutan! Paperezko ehundaka itsasontzi egin dituzte guztien artean eta gero hauek saltzeari ekin diote. Itsasontzi 1 = 1€

Freud eta Vigotskiren teoriak

Freud eta Vigotskik jolasaren inguruan egindako teoriak hauek dira:

Freud: Ume guztiek nahi zehatz batzuk dituzte. Batzuk kontrol soziala dagoelako ezin dira gauzatu eta jolasa gogo hauek bideratu edo gauzatzeko biderik inportanteena da. Jolasaren bidez atsekabeak kanporatu daitezke.


Vigotski: Jolasa besteekin elkarrekintzan aritzeko ekintza soziala da eta jolas horretan umeak duen papera besteek duten paperaren osagarria dela ohartuko da; besteen garrantzia...

Zergaitik jolasten dugu?

Jolasa umeentzat oso garrantzitsua da eta lau teoria daude gai honen inguruan:
-Energia gehiegi: Umeak gastatu beharko lukeen energia hori jolasen bidez gastatzen du
-Erlaxatzearena: Tentsioa eskatzen duten ekintzak egin eta tentsio hau liberatzeko ekintza ludikoak egiten dira; jolasak.
-Praktikarena: Entsegu, saiaketa edo aurre ariketa bezala jolasten dugu eta hauek beharrezkoak dira geroago jolasak ez diren ekintzak burutzeko.
-Rekapitulazioa: Gizakion eboluzioan zehar emandako aurrerapausoak azaleratzen dira.